Lafoga a Faifeau ma le Tete’e a le EFKS: O le Feagaiga ua Ōia

O lenei tusiga o se taumafaiga e vaai i le mataupu o lāfoga a faifeau ma le tete’e a le EFKS, mai le talafaasolopito o le Ekalesia. O se aotelega o manatu o lenei tusiga, o le pāsiaina o le tulafono i lāfoga a faifeau tausi nuu, o le ōia lava lea o le feagaiga sa osia i le va o le Lotu ma Samoa talu ona taunuu o le Talalelei i o tatou laufanua.